Recruitment ng karagdagang 4,000 na Coast Guard personnel aprubado na ng DBM
Inaprubahan ng Department of Budget and Management (DBM) ang pag-recruit ng Philippine Coast Guard (PCG) ng karagdagang 4,000 mga tauhan ngayong taon.
Ang rekomendasyon para sa dagdag na mga tauhan ng PCG ay inendorso ni Department of Transportation (DOTr) Secretary Jaime Bautista upang mas mapaigting pa ang kapasidad ng PCG.
Sa pagtatapos ng nationwide recruitment process ng PCG ay inaasahang aabot na sa 30,430 ang personnel niton bago matapos ang taon.
Ang mga bagong recruit na personnel ay itatalaga sa iba’t ibang PCG Stations at Substations.
Nagpasalamat naman si PCG Commandant Admiral Artemio Abu, kay Pangulong Ferdinand Bongbong Marcos Jr. sa kaniyang patuloy na suporta sa pagpapalawig ng mga tauhan ng Coast Guard. (DDC)
