MMDA Team dumating na sa Kabayan, Benguet para maghatid ng tulong sa mga nasalanta ng bagyong Egay

Dumating na sa Kabayan, Benguet ang team ng Metropolitan Manila Development Authority (MMDA) para tumulong sa mga residenteng naapektuhan ng bagyong Egay.

Pagdating sa naturang lugar, nag-courtesy call ang MMDA team kay Kabayan Mayor Florante B. Bantales Jr.

Ipinirisinta ng grupo kina Mayor Bantales, Municipal Disaster Risk Reduction and Management Office (MDRRMO) Head Patrick Budikey, at Admin Assistant Mark Torres ang water purifier units na kanilang dala.

Pinag-usapan nila sa kanilang pagpupulong kung anu-anong barangay ang nangangailangan ng water purifier units.

Ang nasabing team ay ipinadala ni MMDA Acting Chairman Atty. Don Artes ang grupo alinsunod sa direktiba ni Pangulong Ferdinand Marcos, Jr. at sa kahilingan ng Office of Civil Defense upang maghatid ng karagdagang tulong sa mga nasalanta ng bagyo sa lugar. (DDC)