Presyo ng LPG tataas ng P50 kada 11-kg cylinder bukas (Aug. 1)

Tataas din ang presyo ng LPG o Liquified Petroleum Gas bukas (Aug. 1).

Ayon sa abiso ng kumpanyang Petron, epektibo alas 12:01 ng madaling araw, tataas ng P4.55 kada kilo ang presyo ng kanilang LPG.

Katumbas ito ng P50.05 na pagtaas sa bawat 11-kilogram LPG cylinder.

Inanunsyo din ng Petron ang pagtaas sa presyo ng kanilang AutoLPG.

Ayon sa kumpanya, madaragdagan ng P2.54 ang kada litro ng kanilang AutoLPG.

Ang price hike ay dahil sa pagtaas ng international contract price ng LPG para sa buwan ng Agosto. (DDC)