Safety certificate ng tumaob na bangka sa Talim Island sa Binangonan, sinuspinde ng MARINA

Sinuspinde ng Maritime Industry Authority (MARINA) ang safety certificate ng motorbanca na tumaob sa Talim Island, Binangonan, Rizal.

Ayon sa pahayag ng MARINA, magsasagawa ng masusing evaluation ang kanilang mga inspektor sa MBCA Aya Express.

Ayon sa MARINA ang suspensyon ay base sa isinasaad ng Republic Act No. 9295.

Iginiit ng MARINA na pangunahing prayoridad ng ahensya ang kaligtasan ng mga pasahero at crew.

Ibabalik lamang ang certificate ng motorbanca sa sandaling matiyak na nakasusunod ito sa lahat ng safety standards and regulations.

Samantala, agad ding sisimulan ng MARINA ang pagsasagawa ng Marine Safety Investigation (MSI) sa sandaling makumpleto na ang the Search and Rescue (SAR) operation. (DDC)