Red Rainfall Warning itinaas ng PAGASA sa Bataan
Nakataas pa rin ang Heavy Rainfall Warning sa Metro Manila at mga kalapit na lalawigan sa Luzon.
Sa inilabas na update ng PAGASA, alas 2:00 ng hapon ng Huwebes (July 27) Red Warning na ang nakataas sa Bataan.
Orange Warning naman ang umiiral sa Zambales, Pampanga, at Bulacan.
Habang Yellow Warning naman sa Metro Manila, Tarlac, Rizal, Cavite, at Nueva Ecija.
Samantala, mahina hanggang katamtaman at kung minsan ay malakas na pag-ulan ang nararanasan sa Batangas, Laguna, at Quezon. (DDC)
