Isa nasawi sa landslide sa Bontoc, Mt. Province
Patay ang isang lalaki matapos ang landslide na naganap sa Bontoc, Mt. Province.
Ayon sa Disaster Risk Reduction and Management Office ng Mt. Province, nangyari ang insidente sa Sitio Pakkil, Caluttit, Bontoc.
Gumuho ang lupa, kasama ang mga nakatanim na bamboo trees at bumagsak sa palayan kung saan mayroong barong-barong.
Na-recover ang katawan ni Mangintee Paras-e Sagandoy, 38-anyos.
Dinala ito sa Bontoc General Hospital pero nasawi din kalaunan.
Nagpapatuloy naman ang clearing operations sa apektadong lugar.
Pinayuhan ng provincial government ang mga residente na nakatira sa landslide-prone areas na lumikas pansamantala para matiyak ang kanilang kaligtasan. (DDC)
