Yellow Rainfall Waraning nakataas sa Metro Manila at mga kalapit na lalawigan

Dahil sa nararanasang patuloy na pag-ulan nakataas pa ang Heavy Rainfall Warning sa Metro Manila at sa mga kalapit nitong lalawigan.

Sa inilabas na abiso ng PAGASA, 8:00 ng umaga ng HUwebes (July 27), Yellow Warning ang nakataas sa sumusunod na mga lugar:

– Metro Manila
– Zambales
– Bataan
– Pampanga
– Bulacan
– Cavite
– Laguna
– Rizal
– Batangas(Nasugbu, Calatagan, Lian, Tuy, Balayan, Calaca, Laurel, Lemery, Talisay, Agoncillo)

Mahina hanggang sa katamtaman at kung minsan ay malakas na pag-ulan naman ang nararanasan sa Tarlac, Nueva Ecija, Quezon (General Nakar, Infanta, Real), at sa nalalabing bahagi ng Batangas.

Habang aasahan din ang mahina hanggang katamtaman na pag-ulan sa nalalabing bahagi ng Quezon. (DDC)