Pangulong Marcos nakaalis na ng bansa para sa tatlong araw na state visit sa Malaysia

Nakaalis na si Pangulong Ferdinand Marcos Jr. para sa kaniyang state visit sa Malaysia.

Ang pagbisita ng pangulo sa nasabing bansa hanggang sa July 27, 2023 ay base na rin sa imbitasyon ni Malaysian King Sultan Abdullah Sultan Ahmad Shah.

Kasama ng pangulo si First Lady Liza Araneta-Marcos, ilang cabinet members, at Filipino businessmen.

Magkakaroon ng pulong ang pangulo kay Malaysian Prime Minister Anwar Ibrahim para isulong ang bilateral cooperation ng dalawang bansa sa iba’t ibang usapin gaya ng agrikultura, food security, tourism, digital economy at people-to-people exchanges.

Nakatakda ding makipagpulong ang pangulo sa Filipino at Malaysian business leaders.

Magkakaroon din ng pulong ang pangulo sa Filipino community sa Malaysia. (DDC)