MMDA naglagay ng first-aid station sa Batasang Pambansa Complex
Naglagay ng first-aid station ang Metropolitan Manila Development Authority (MMDA) malapit sa Batasang Pambansa Complex sa Commonwealth Avenue, Quezon City.
Ito ay para sa idaraos na State of the Nation Address (SONA) ni Pangulong Ferdinand Marcos Jr.
Ilang miyembro ng Road Emergency Group at Metropolitan Public Safety Office ang nakahanda para tumugon sa mangangailangan ng tulong sa mga dadalo sa SONA.
May naka-standby din na ambulansya sakaling kailanganin.
Ang first aid station ay isa sa inispeksyon nina MMDA Acting Chairman Atty. Don Artes, Deputy Chairman Usec. Frisco San Juan Jr. at Assistant General Manager for Operations Asec. David Angelo Vargas sa Commonwealth Avenue sa Quezon City. (DDC)
