Dagdag na P40 sa minimum wage sa NCR epektibo na

Naging epektibo na ang P40 na dagdag sa minimum wage sa Metro Manila.

Ayon sa National Wages and Productivity Commission (NWPC), simula araw ng Linggo, July 16 ay umiral na ang dagdag na P40 sa minimum wage sa NCR.

Mula sa P570 ay umakyat na sa P610 ang minimum na sahod sa NCR para sa non-agriculture sector at mula naman sa P533 ay umakyat na sa P573 ang minimum na sweldo sa agriculture sector, service, at retail establishments na mayroong 15 pababa na empleyado at sa manufacturing establishments na mayrong mas mababa sa 10 empleyado.

Ayon sa NWPC, inaasahan nitong ipatutupad ng mga employer ang dagdag na sahod sa kanilang mga manggagawa. (DDC)