Philippine Red Cross nasa high alert dahil sa bagyong Dodong
Tumulong ang mga volunteer ng Philippine Red Cross sa mga residenteng inilikas sa Kabankalan, Negros Occidental bunsod ng naranasang patuloy na pag-ulan.
Ang mga naapektuhang pamilya ay dinala sa Kabankalan Holding Center.
Ang mga volunteer ng PRC mula sa Negros Occidental – Bacolod City Chapter Kabankalan Branch ay umasiste sa mga bata at mga senior citizen na inilikas.
Pinagkalooban sila ng psychological first aid at tinulungan sa kanilang sleeping area. (DDC)
