P45K na halaga ng ilegal na droga nakumpiska; 2 naaresto sa operasyon na ikinasa sa Maynila

Umabot sa mahigit P45,200 na halaga ng ilegal na droga ang nakumpiska sa Maynila sa nakalipas na 24 na oras.

Mula umaga ng July 9 hanggang umaga ng July 10 ay nagsagawa operasyon ang mga tauhan ng Manila Police District (MPD).

Sa nasabing mga operasyon, dalawang katao ang naaresto, at nakakumpiska ang 6.6 na gramo ng shabu na aabot sa P45,288 ang halaga.

Nagkasa din ng pitong operasyon laban sa illegal gambling, kung saan mayroong 19 na katao na naaresto.

May nakumpiska ding mahigit P3,000 na bet money.

May nahuli ding 607 na katao na lumabag sa iba’t ibang ordinansa na umiiral sa lungsod. (DDC)