Nutrition Month at Healthy Food Fair inilunsad ng Las Piñas LGU

Nakikiisa ang Pamahalaang Lokal ng Las Piñas sa pangangasiwa ng City Nutrition Office sa selebrasyon ng Nutrition Month ngayong buwan ng Hulyo.

Naglalayon itong isulong ang tamang nutrisyon at pagkakaroon ng access sa mga masusustansiya, mura at ligtas na pagkain para sa mga Las Piñeros.

Bilang suporta sa kampanya sa nutrisyon ay inilunsad ng lokal na pamahalaan sa ilalim ng pamumuno nina Mayor Imelda T. Aguilar at Vice Mayor April Aguilar, ang Healthy Food Fair simula nitong July 3 hanggang July 7 sa ganap na alas-8:00 ng umaga hanggang 5:00 ng hapon sa harap ng Las Piñas City Hall.

Katuwang sa naturang proyekto ang City Council, Barangay Nutrition Committees, City Agriculture Office, KADIWA Market, Las Pinas Manpower and Training Center at mga barangay sa lungsod.

Hinihikayat ang publiko na bisitahin at tangkilikin ang mga produktong pagkain at iba pang produktong sariling atin na iniaalok sa nasabing food fair upang direktang tulungan at suportahan ang mga Las Piñeros at ng lokal na magsasaka. (Bhelle Gamboa)