EJ Obiena kwalipikado na para sa 2024 Paris Olympics

Nag-qualify ang Pinoy Pole vaulter na si EJ Obiena para sa 2024 Paris Olympics.

Ito ay makaraang maitala ni Obiena ang 5.82 meters sa BAUHAUS-Galan leg ng Diamond League sa Stockholm, Sweden.

Kinailangan ni Obiena ng dalawang attempt para maitala ang 5:82 meters.

Tinangka din niya ang 5.95 meters pero bigo na ang Pinoy pole vaulter.

Kailangang maitala ang minimum na 5.82 meters clearance sa pagitan ng July 1, 2023 at June 30, 2024 para sa male pole vaulters upang mag-qualily sa Paris Olympics.

Sa July 7 ay muling lalahok si Obiena sa tournament n agaganapin naman sa France. (DDC)