Eroplano galing Korea at patungo sana ng Vietnam, nag-emergency landing sa Laoag Airport

Isang eroplano ng VietJet Air and nag-emergency landing sa Laoag International Airport.

Lulan ng Airbus 320 aircraft ang 207 na pasahero nang mag-emergency landing ito sa paliparan.

Personal na nagtungo sa paliparan si Ilocos Norte Governor Matthew Marcos Manotoc kasama ang mga kinatawan ng Metro Ilocos Norte Council, Civil Aviation Authority of the Philippines, at Ilocos Norte Tourism Office para tiyaking maayos ang kondisyon ng mga sakay ng eroplano.

Galing sa Incheon, Korea ang eroplano at patungo sana ng Pho-quok, Vietnam.

Tiniyak ng mga otoridad ang agad na pag-dispatch ng mechanics para sa repair ng aircraft. (DDC)