Parcel na naglalaman ng P4.9M ‘ecstacy’ naharang sa CMEC Pasay
Tinatayang 1,460 na gramo ng hinihinalang MDMA o ecstacy na nagkakahalaga ng P4,964,000 na nakasilid sa isang parcel ang naharang ng otoridad sa Central Mail Exchange Center (CMEC) , Domestic Rd., Pasay City.
Sa nasabing operasyon ay naaresto ang isang babaeng suspek na kinilalang si Charito Casamello,38-anyos at residente ng 801 Tramo St., Manuyo Uno, Las Pinas City.
Ayon sa inisyal na report nakuha ng mga operatiba ng NAIA-IADITG sa ikinasang interdiction operation ang isang brown box na ipinadala ng isang Maria Suarez galing Belgium para sa suspek na Casamello.
Nang buksan ay nakitang naglalaman ang kahon ng headphones, tumbler, dresses at chopping board na may nakatagong umano’y mga ecstacy, philhealth ID, Voter’s ID,Notice Card at Samsung A11 ng suspek. (Bhelle Gamboa)
