Libu-libong aplikante dumagsa sa kauna-unahang Seafarers Jobs Fair
Dumagsa ang mga aplikante para sa idinaos na 1st Seafarers JOBS FAIR 2023 ng Department of Migrant Workers (DMW).
Hanggang Miyerkules (June 28) ng tanghali ay umabot na sa mahigit 2,700 ang mga nagpasa ng aplikasyon sa 25 malalaking manning agencies na lumahoksa jobs fair.
Ilan sa mga trabahong inialok sa mga aplikante ay ang Ratings and Officer position sa deck, engine at catering departments ng mga traditional ships gaya ng bulk carriers, tankers, containers, general cargo, heavy lift, LNG tankers, car carriers, oil at chemical tankers, at iba pa, at offshore installations.
Mayroon ding mga naghihintay na trabaho para sa iba’t ibang departamento ng mga cruise ship gaya ng hotel, restaurant, galley, food and beverage, casino, bars, entertainment at housekeeping.
Ito ang kauna-unahang pagkakataon na nagdaos ng jobs fair na para lamang sa mga seafarer. (DDC)
