Justice Secretary Crispin Remulla sasailalim sa 10 araw na wellness leave
Naghain ng sampung araw na wellness leave si Justice Secretary Crispin Remulla.
Sa inilabas na pahayag ng Department of Justice (DOJ) araw ng Lunes, June 26, personal ang dahilan sa pagsailalim sa wellness leave ng kalihim.
Effective immediately ang leave ng kalihim.
Siniguro naman ng DOJ na patuloy na magagampanan ng kagawaran ang trabaho nito.
Patuloy din ang pagganap ng mga opisyal at empleyado ng DOJ sa kanilang mga responsibilidad para matiyak ang tuluy-tuloy na operasyon ng kagarawan.
Apela ng DOJ sa publiko, respetuhin ang privacy ni Remulla sa panahong ito.
Umaasa din ang DOJ sa muling pagbabalik ni Remulla sa kagawaran.
Magsisilbing OIC ng DOJ si Justice Usec. Raul Vasquez habang umiiral ang leave ni Remulla (DDC)
