Bahagi ng Commonwealth Avenue isasara sa daloy ng trapiko para sa konstruksyon ng Regalado Station ng MRT-7

Apat na buwan na magpapatupad ng road closure sa bahagi ng Commonwealth Avenue westbound lane sa pagitan ng Regalado Avenue at Fairlane Street.

Inanunsyo ito ng Department of Transportation (DOTr) at ng SMC Infrastructure.

Ang pagsasara sa nasabing kalsada ay para bigyang-daan ang installation ng steel structure para sa Regalado Station ng Metro Rail Transit Line-7 MRT-7).

Ipatutupad ang road closure sa westbound lanes July 25, 2023 hanggang Nov. 26 2023 tuwing alas 10:00 ng gabi hanggang 5:00 ng umaga.

Habang ang road closure naman sa eastbound ay sisimulan sa August 8, 2023 hanggang until December 6, 2023, mula din alas 10:00 ng gabi hanggang 5:00 ng umaga.

Pinapayuhan ang mga motorista gumamit ng mga alternatibong ruta. (DDC)