4 na Tarantula, idineklarang sweet salted fish nakumpiska ng BOC

Nakumpiska ng mga tauhan ng Bureau of Customs – Ninoy Aquino International Airport (BOC-NAIA) ang apat na priaso ng Tarantulas na idineklarang “Sweet Salted Fish”.

Ang mga Tarantula na nakumpiska sa Central Mail Exchange Center (CMEC) ay pawang walang dokumento mula sa Department of Environment and Natural Resources (DENR).

Dadalhin sana ito sa Seoul, Korea sa pamamagitan ng Express Mail Service ng Philippine Postal Corporation (Phlpost).

Ang sender ng parcel ay mula sa Caloocan City.

Sa pamamagitan ng x-ray screening ng mga tauhan ng X-Ray Inspection Project (XIP) ay nakitang kahina-hinala ang laman ng parcel.

Ang pagpapadala ng nasabing parcel ay malinaw na paglabag sa RA 9147 o Wildlife Resources Conservation and Protection Act ayon sa BOC.

Dinala ang apat na Tarantula sa DENR para sa safekeeping at monitoring, imbestigasyon at pagsasampa ng kaso laban sa sender. (DDC)