Vice Mayor Warren Villa ng San Juan City, pumanaw sa edad na 52
Pumanaw ang vice mayor ng San Juan City na si Warren Villa.
Ayon kay San Juan City Mayor Francis Zamora, pumanaw ang 52 anyos na vice mayor Linggo (June 18) ng gbai.
Nagpaabot ng pakikiramay si Zamora sa mga naulila ni Villa.
Ayon kay Zamora, isang mabuting kaibigan si Villa at hindi matatawaran ang naging kontribusyon nito sa lungsod.
Nabatid na mayroong karamdaman si Villa.
Samantala, ipinagpaliban naman muna ang lahat ng aktibidad at events na nakatakda sa San Juan City hall araw ng Lunes (June 19) para mabigyang pagkakataon ang mga empleyado na makapagluksa sa pagpanaw ng vice mayor. (DDC)
