TVJ at iba pang ‘Dabarkads’ sa TV5 na mapapanood
Kumpirmado ng ang TV5 ang magiging bagong tahanan ng mga dating hosts ng longest running noontime show na Eat Bulaga.
Ayon sa Mediaquest Holdings Inc. lumagda na sila ng kasunduan sa TVJ o kina Tito Sotto, Vic Sotto at Joey De Leon.
Nakasaad din sa pahayag na kasama ng TVJ ang iba pang Dabarkads sa isang content na ipo-produce para sa nasabing network.
Nagbahagi din ng video ang TVJ sa kanilang Facebook page kung saan ipinakita ang TV5 na kanilang magiging bagong tahanan.
Sa hiwalay na pahayag ay nagpasalamat si dating Senador Tito Sotto sa Mediaquest para sa panibagong simula ng ‘Dabarkads’.
Wala pa namang ibinigay na impormasyon ang TVJ kung kailan magsisimula ang kanilang show sa TV5. (DDC)
