Estudyante nahulihan ng P170K na halaga ng shabu sa Talisay City, Cebu

Arestado ng mga otoridad ang isang 18 taong gulang na estudyante makaraang mahulihan ng ilegal na droga.

Nasamsam sa suspek ang nasa mahigit isang daang libong halaga ng droga sa buy-bust operation na ikinasa ng Drug Enforcement Team ng Talisay City Police Station sa Villa Laguna, Brgy. Cansojong, Talisay City, Cebu.

Kinilala ni Police Lieutenant Colonel Randy T Caballes, Chief of Police ang nadakip na si ‘’Jome”, residente ng Sitio Bara, Kinasang-an, Cebu City.

Nakumpiska sa pag-iingat ng suspek ang pinaghihinalaang shabu na may tinatayang may bigat na 25 gramo at may standard drug price na P170,000.

Nahahararap ang suspek sa mga reklamong paglabag kaugnay sa iligal na droga. (DDC)