TRAFFIC ADVISORY: Ilang lansangan sa QC makararanas ng pagbagal ng daloy ng traffic sa Sabado

Aasahan ang pagbagal ng daloy ng trapiko sa ilang kalsada sa Quezon City dahil sa isasagawang “World Bicycle Day 2023 Celebration” sa Sabado, June 3, 2023.

Ayon sa abiso ng QC local government, simula 4:00 ng umaga ay makararanas ng pagbagal sa daloy ng traffic sa Elliptical Road,
Commonwealth Avenue, Hon. B. Soliven Street, Payatas Rd. at Visayas Street.

Ang ruta ng bike ride event ay magsisimula sa Gate 2 ng Quezon City Hall Compound hanggang sa Payatas Controlled Disposal Facility (PCDF).

Para maisaayos ang daloy ng trapiko sa mga nasabing lugar, magtutulungan ang mga tauhan ng Traffic and Transport Management Department (TTMD) at Department of Public Order and Safety (DPOS).

Pinapayuhan ang mga motorista na gumamit ng alternatibong ruta upang hindi maabala. (DDC)