DOTr Asec. Villacorta itinalaga bilang OIC sa LTO
Itinalaga bilang Officer-In-Charge sa Land Transportation Office (LTO) si Department of Transportation (DOTr) Asec. Hector A. Villacorta.
Magiging epektibo na kasi sa Huwebes (June 1) ang resignation ni LTO chief JayArt Tugade sa ahensya.
Si Villacorta ay kasalukuyang Assistant Secretary for Communications ng DOTr.
Una nang sinabi ni DOTr Sec. Jaime Bautista na naghahanap na ang kagawaran ng maipapalit kay Tugade bilang LTO chief.
Ayon kay Bautista, isusumite niya ang rekomendasyon kay Pangulong Ferdinand Marcos Jr., para sa magiging bagong pinuno ng ahensya. (DDC)
