Mahigit 100 OFWs mula Kuwait nakauwi na ng bansa

Dumating sa bansa ang 105 na repatriated OFWs galing Kuwait.

Dumating ang mga OFW sa NAIA Terminal 3 lulan ng Flight EK336, umaga ng Biyernes (May 26).

Napauwi ang mga OFW mula Kuwait dahil sa pagtutulungan ng mga ahensiya ng gobyerno gaya ng Department of Foreign Affairs (DFA), Department of Migrant Workers (DMW) at OWWA kasama ang DSWD.

Pagdating nila ng bansa, sinalubong sila ng OWWA Airport Team sa pangunguna ni OWWA Dir. Jocelyn Hapal at Dir. Luisa Reyes.

Maliban sa food assistance, hotel accommodation at transportasyon sa kanilang pag-uwi patungo sa kani-kanilang probinsya ay tatanggap din sila ng financial assistance galing sa OWWA.

Maaari silang pumunta sa pinakamalapit na tanggapan ng OWWA sa kanilang lugar upang mabigyan sila ng nararapat na benepisyo at serbisyo. (DDC)