DOTr Sec. Bautista magsusumite ng rekomendasyon kay Pangulong Marcos para sa magiging bagong LTO chief

Naghahanap na ang Department of Transportation (DOTr) ng magiging kapalit ng nagbitiw na si Land Transportation Office chief JayArt Tugade.

Sa pahayag nagpasalamat si DOTr Sec. Jaime Bautista sa pitong buwang paninilbihan ni Tugade sa LTO.

Ayon kay Bautista, nakatulong sa publiko ang mga pagbabago na ipinatupad ni Tugade sa ahensya.

Kaugnay nito, sinabi ni Bautista na magsusumite siya ng rekomendasyon kay Pangulong Ferdinand Marcos Jr. para sa magiging kapalit ni Tugade bilang bagong LTO chief.

Sa kaniyang pagbibitiw, sinabi ni Tugade na bagaman iisa ang layunin ng Department of Transportation (DOTr) at LTO na maserbisyuhan ang publiko ay nagkakaiba naman ang kanilang pamamaraan upang mapagtagumpayan ito. (DDC)