LTO chief JayArt Tugade nagbitiw sa puwesto
Nagbitiw bilang pinuno ng Land Transportation Office (LTO) si Atty. Jose Art Tugade.
Sa kaniyang pahayag, sinabi ni Tugade na bagaman iisa ang layunin ng Department of Transportation (DOTr) at LTO na maserbisyuhan ang publiko ay nagkakaiba naman ang kanilang pamamaraan upang mapagtagumpayan ito.
Dahil dito sinabi ni Tugade na magbibitiw na siya sa bilang LTO chief para mabigyang laya si DOTr Sec. Jimmy Bautista na pumili ng maitatalaga niya sa puwesto.
Magugunitang muling nagkaproblema ang LTO sa suplay ng plaka ng mga sasakyan.
Kabilang din sa kinakaharap na isyu ng LTO ang kakapusan ng suplay ng ID cards kaya ang driver’s license na ini-isyu sa mga motorista ay nakaimprenta muna sa papel. (DDC)
