TRAFFIC ADVISORY: Mabagal na daloy ng traffic asahan sa palibot ng Quezon Memorial Circle sa Sabado ng hapon hanggang gabi
Makararanas ng pagsisikip sa daloy ng traffic sa Elliptical Road sa Quezon City sa Sabado (May 20) ng hapon hanggang gabi.
Sa abiso ng Quezon City Government, may idaraos na concert ang bandang Mayonnaise sa Quezon Memorial Circle-Liwasang Aurora.
Dahil dito, mula 5:30 ng hapon hanggang 10:00 ng gabi ay aasahan ang pagbagal ng daloy ng traffic sa lugar.
Pinayuhan ang mga motorista na gumamit ng alternatibong mga ruta.
Ang nasabing concert ay bahagi ng 20th Anniversary Tour Finale ng banda. (DDC)
