Green card program ng Las Piñas LGU mas pinalakas

Pinalakas pa ng Pamahalaang Lokal ng Las Piñas ang pagbibigay prayoridad sa kalusugan at kapakanan ng kanyang mamamayan sa ilalim nang ipinapatupad na green card program nito sa lungsod.

Agad na inaprubahan ni Vice Mayor April Aguilar ang maraming kahilingan para sa subsidiya sa hospital bills ng mga kababayan sa pamamagitan ng green card program.

Nilalayon ng naturang programa na ipagkaloob ang subsidiya para sa hospital bills upang pagaanin ang pinansyal na suliranin sa pagpapagamot ng mga residente.

Umani ng magagandang atensyon ang mga inobasyon ng pagtataguyod ng Green Card program ng lokal na pamahalaan bilang mahalagang suporta sa pangangailangang pangkalusugan ng mga mamamayan ng Las Piñas lalo na sa mga indibiduwal at pamilyang nahaharap sa medical emergencies o pangmatagalang gamutan. (Bhelle Gamboa)