Fishing Vessel nasunog sa Cuyo, Palawan; 2 tripulante ang nasugatan

Sugatan ang dalawang tripulante matapos masunog ang sinasakyan nilang Fishing Vessel sa karagatang sakop ng Cuyo, Palawan.

Nagtulong-tulong ang mga tauhan ng Coast Guard Station Eastern Palawan, Cuyo Municipal Police Station at mga mangingisda ng Frabelle Fishing Corporation upang apulahin ang sunog sa FV Victory 89 na gawa sa fiber.

Ngunit matapos ang ilang oras na pag-apula ng apoy, ay tuluyang lumubog ang nasabing fishing vessel.

Naglatag na ng oil spill booms ang mga tauhan ng PCG.

Nagtamo naman ng first degree burn ang dalawang (2) tripulante ng nasabing barko.

Inaalam pa ngayon ang sanhi ng pagkasunog. (DDC)