Typhoon Quinta nag-landfall sa Pola, Oriental Mindoro

Muling tumama sa lupa ang Typhoon Quinta.

Ang ikalimang landfall ng bagyo ay sa Pola, Oriental Mindoro kaninang alas 3:30 ng madaling araw.

Sa 5AM weather bulletin ng PAGASA, huling namataan ang bagyo sa bisinidad ng Socorro, Oriental Mindoro.

Taglay nito ang lakas ng hanging aabot sa 125 kilometers bawat oras malapit sa gitna at pagbugsong aabot sa 180 kilometers bawat oras.

Kumikilos ang bagyo sa bilis na 25 kilometers bawat oras sa direksyong pa-kanluran.

Nakataas pa rin ang public storm warning signal number 3 sa sumusunod na mga lugar:

– southern portion ng Quezon (Mulanay, San Francisco, Catanauan, General Luna, Macalelon, Pitogo, Unisan, Agdangan, Padre Burgos, Pagbilao, Lucena City, Sariaya, Candelaria, Tiaong, San Antonio, Dolores, Tayabas City)
– southern portion ng Batangas (Lian, Tuy, San Juan, Rosario, Padre Garcia, Lipa City, Cuenca, San Jose, Ibaan, Taysan, Lobo, Batangas City, Mabini, Tingloy, San Pascual, Bauan, Alitagtag, San Luis, Taal, Santa Teresita, Calatagan, Balayan, Calaca, Lemery, Agoncillo, San Nicolas, Mataas Na Kahoy)
– northern portion ng Romblon (Concepcion, Banton, Corcuera, Romblon, San Agustin, Calatrava, San Andres, Odiongan, Santa Maria), – Marinduque
– northern at central portion ng Oriental Mindoro (Mansalay, Roxas, Bongabong, Bansud, Gloria, Pinamalayan, Pola, Socorro, Victoria, Naujan, Calapan City, Baco, San Teodoro, Puerto Galera)
– northern at central portion ngf Occidental Mindoro (San Jose, Rizal, Calintaan, Sablayan, Santa Cruz, Mamburao, Paluan, Abra de Ilog)
– Lubang Island

Signal number 2 naman ang nakataas sa sumusunod na mga lugar:

– Camarines Norte
– western portion ng Camarines Sur (Siruma, Tinambac, Calabanga, Naga City, Pili, Bula, Balatan, Minalabac, Milaor, Bombon, Magarao, Canaman, Camaligan, Gainza, San Fernando, Pasacao, Pamplona, Cabusao, Libmanan, Sipocot, Lupi, Ragay, Del Gallego)
– Burias Island
– nalalabing bahagi ng Quezon kabilang ang Polillo Islands
– Laguna
– nalalabing bahagi ng Batangas
– Cavite
– Rizal
– Metro Manila
– southern portion ng Bulacan (Norzagaray, Angat, San Rafael, Baliuag, Pulilan, Calumpit, Hagonoy, Paombong, Malolos City, Plaridel, Bustos, San Jose del Monte City, Santa Maria, Pandi, Guiguinto, Balagtas, Bulacan, Bocaue, Meycauayan City, Obando, Marilao)
– southern portion ng Pampanga (Lubao, Sasmuan, Macabebe, Masantol, Minalin, Apalit)
– Bataan
– nalalabing bahagi ng Romblon
– nalalabing bahagi ng Oriental Mindoro
– nalalabing bahagi ng Occidental Mindoro
– Calamian Islands
– Extreme northern portion ng Antique (Caluya)

Nakataas naman ang signal number 1 sa mga sumusunod:

– Catanduanes
– nalalabing bahagi ng Camarines Sur
– Albay
– western portion ng Sorsogon (Donsol, Pilar, Castilla, Sorsogon City, Casiguran, Juban, Magallanes, Bulan, Irosin)
– northern portion ng mainland Masbate (Uson, Mobo, Masbate City, Baleno, Aroroy, Balud, Mandaon, Milagros)
– Ticao Island
– southern portion ng Aurora (Dingalan, San Luis)
– southern portion ng Nueva Ecija (Gabaldon, Laur, Palayan City, General Tinio, Cabanatuan City, Aliaga, Zaragoza, Jaen, San Antonio, Santa Rosa, Peñaranda, Gapan City, San Leonardo, San Isidro, Cabiao), the southern portion of Tarlac (La Paz, Tarlac City, San Jose, Concepcion, Capas, Bamban)
– nalalabing bahagi ng Bulacan,
– nalalabing bahagi ng Pampanga
– central at southern portion of Zambales (Iba, Botolan, Cabangan, San Felipe, San Narciso, San Antonio, San Marcelino, Castillejos, Subic, Olongapo City)
– northern portion ng Palawan (El Nido, Taytay)
– Cuyo Islands
– nalalabing bahagi ng northern portion ng Antique (Laua-An, Barbaza, Tibiao, Culasi, Sebaste, Pandan, Libertad)
– Aklan
– Capiz
– northern portion ng Iloilo (Lemery, Sara, San Dionisio, Batad, Estancia, Carles, Balasan)

Ayon sa PAGASA, ang bagyong Quinta ay maghahatid ngayong araw ng katamtaman hanggang sa malakas at kung minsan ay matinding buhos ng ulan sa Camarines Norte, Camarines Sur, CALABARZON, Occidental Mindoro, Oriental Mindoro, Marinduque, Romblon, northern Palawan kabilang ang Calamian at Cuyo Islands, Aklan, Capiz, at Antique.

Ang tail-end naman ng frontal system ay magdudulot din ng katamtaman hanggang sa malakas na buhos ng ulan sa Cagayan, Isabela, Apayao, Kalinga, Abra, Ilocos Norte, at Ilocos Sur. / END