Pilipinas nasa pang-apat na puwesto sa ginaganap na 32nd SEA Games
Nasa pang-apat na puwesto ang Pilipinas sa nagpapatuloy na 32nd Southeast Asian Games sa Cambodia.
Ayon sa Philippine Sports Commission (PSC), hanggang umaga ng Miyerkules (May 10), ang Pilipinas ay mayroong 25 gold, 39 silver at 42 bronze medals.
Ang ika-25 gintong medalya ay nakuha ng Women’s Soft Tennis Team ng bansa.
Nangunguna sa medal tally ang Thailand na mayroong 40 gold, 30 silver at 45 bronze medals.
Habang nasa ikalawa at ikatlong puwesto ang Vietnam at Cambodia. (DDC)
