GCash App nagkaproblema; hindi ma-access ng mga user
Nakaranas ng problema ang mga GCash user sa App nito araw ng Martes, May 9.
Marami sa mga user ng GCash ang nag-post sa social media hinggil sa naranasan nilang problema sa App.
Kapag binuksan ang App, lumalabas ang mensahe na ” “We’ll be right back! We’re just working on improving your experience. Rest assured that your funds are safe.”
Nag-top din sa Philippine Trend sa Twitter ang “Gcash”.
Sa Twitter, humingi ng paumanhin ang GCash sa mga user na nagpapahayag ng kanilang pagkadismaya.
Sinabi ng GCash na gumagawa na ng paraan ang kanilang team para maibalik ang serbisyo sa lalong madaling panahon. (DDC)
