Luzon Grid isinailalim sa Red Alert ng NGCP; brownout naranasan sa ilang lugar na sineserbisyuhan ng Meralco
Nakaranas ng power service interruption sa ilang mga lugar na sineserbisyuhan ng Meralco.
Ito ay bunsod ng forced outage na naranasan sa ilang planta pasado ala 1:00 ng hapon ng Lunes, May 8.
Isinailalim din ng National Grid Corporation of the Philippines (NGCP) ang Luzon Grid sa Red Alert.
Ito ay mula 1:00PM to 4:00PM at 6:00PM to 8PM.
Habang Yellow Alert naman ng 4:00PM to 6:00PM.
Dahil sa pag-iral ng red at yellow alert, nagpatupad ng rotational brownout ang Meralco sa ilang sineserbisyuhan nitong lugar. (DDC)
