Droga at baril nakumpismka sa buy-bust sa Cebu City; drug suspek arestado
Arestado ang 27-taong gulang na lalaking drug suspek matapos makumpiskahan ng iligal na droga at baril sa nilatag na buy-bust operation ng mga operatiba ng Police Station 3, Cebu City Police Office (CCPO) sa T. Padilla Extension, Brgy. Tejero, Cebu City.
Kinilala ni CCPO Director, Police Colonel Ireneo B Dalogdog ang naaresto na si alyas ‘AMAY’ residente ng nasabing barangay.
Nakumpiska mula sa suspek ang pinaghihinalaang shabu na nasa 15 gramo at mayroong Standard Drug Price Value na P102,000; isang unit ng caliber 9mm pistol na may limang bala; isang sling bag; at ang nagamit na buy-bust money.
Kasong paglabag sa RA 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act) ang kakaharapin ng suspek. (DDC)
