Coast Guard District NCR-Central Luzon Rear Adm. Cornello nag-inspeksyon sa NAIA
Nag-inspeksyon sa Ninoy Aquino International Airport si Philippine Coast Guard (PCG) Rear Admiral Hostillo Cornello, commander ng Coast Guard District NCR-Central Luzon.
Ito ay para personal na tignan ang sitwasyon sa deployment ng mga tauhan ng PCG sa paliparan.
Noong Apr. 4, 2023 nagsimulang mag-deploy ang Coast Guard ng mga tauhan sa NAIA base sa kahilingan ng Office for Transportation Security (OTS).
Tumutulong ang PCG sa paghuli ng mga ipinupuslit na ilegal na droga, armas at mga bala sa paliparan.
Ang mga tauhan ng PCG ay naka-deploy sa NAIA terminals 1, 2, 3 at 4. (DDC)
