Mga OFW na naapektuhan ng power outage sa NAIA inasistihan ng DMW

Tiniyak ng Department of Migrant Workers (DMW) na naasistihan ang mga Overseas Filipino Workers (OFWs) na naapektuhan ng power outage sa NAIA Terminal 3.

Namigay ng food packs at inumin ang OWWA para sa mga OFW na delayed ang flights.

Inasikaso din ang flight rebooking ng mga nakansela ang biyahe. Binigyan sila ng libreng hotel accommodations habang naghihintay na ma-rebook ang kanilang flights.

Sa mga paalis na OFW naman ay manual na inayos ng DMW Labor Assistance Center ang kanilang OEC para masigurong hindi maapektuhan ang kanilang pag-alis.

Sa ngayon ayon sa DMW ay unti-unti nang bumabalik sa normal ang schedule ng mga flights sa Terminal 3. (DDC)