Super Bridge na magdudugtong sa Batangas at Mindoro itatayo ng SMC
Inanunsyo ng San Miguel Corporation (SMC) ang nakatakdang pagtatayo ng “super bridge” na magkukunekta sa Mindoro Island at mainland ng Batangas.
Ayon sa SMC, nakikipag-usap na ito sa lokal na pamahalaan ng Oriental Mindoro partikular kay Gov. Humerlito Dolor.
Target ng SMC na maitayo ang 15-kilometer bridge na magkukunekta sa dalawang probinsya.
Tatahak ang tulay sa Brgy. Ilijan sa Batangas at dadaan sa Verde Island hanggang sa Brgy. Sinandigan, Puerto Galera.
Ang “super bridge” ay unang ipinanukala ni Oriental Mindoro Rep. Alfonso Umali noong 2015. (DDC)
