P149K na halaga ng shabu nakumpiska; 14 naaresto sa operasyon na ikinasa sa Maynila

Umabot sa mahigit P149,000 na halaga ng ilegal na droga ang nakumpiska sa Maynila sa nakalipas na 24 na oras.

Mula umaga ng Apr. 19 hanggang umaga ng Apr. 20 ay nagsagawa operasyon ang mga tauhan ng Manila Police District (MPD).

Sa nasabing mga operasyon, 14 na katao ang naaresto, at nakakumpiska ang 22 gramo ng shabu na aabot sa P149,600 ang halaga.

Nagkasa din ng limang operasyon laban sa illegal gambling, kung saan mayroon ding 14 na katao na naaresto.

May mga nahuli ding lumabag sa iba’t ibang ordinansa na umiiral sa lungsod.

Kabilang dito ang 315 na katao na lumabag sa pagbabawal sa paninigarilyo sa public place, 178 ang nahuli dahil walang suot na pang-itaas, at may mga nahuli din sa paglabag sa curfew, traffic management code at obstruction. (DDC)