LPA na dating si bagyong Amang magpapaulan pa rin sa ilang bahagi ng bansa
Magpapaulan pa rin sa ilang bahagi ng bansa ang Low Pressure Area (LPA) na dating si bagyong Amang.
Ang bagyo ay huling namataan sa layong 40 kilometers southwest ng Zambales.
Ayon sa PAGASA, dahil sa LPA makararanas ng maulap na papawirin na may kalat-kalat na pag-ulan sa Metro Manila, Pangasinan, Tarlac, Pampanga, Zambales, at Bataan.
Bahagyang maulap hanggang sa maulap na papawirin naman ang mararanasan sa nalalabing bahagi ng bansa.
Sinabi ng PAGASA na maaari pa ring makaranas ng pagbaha o landslide sa mga lugar na makararanas ng katamtaman hanggang sa malakas na pag-ulan. (DDC)
