Resulta ng 2023 Career Service Examination-Pen and Paper Test sa June 9 ilalabas ng CSC
Sa June 9, 2023 na maipalalabas ng Civil Service Commission (CSC) ang resulta para sa 2023 Career Service Examination-Pen and Paper Test (𝗖𝗦𝗘-𝗣𝗣𝗧).
Ayon sa CSC, dahil sa dami ng bilang ng mga kumuha ng pagsusulit sa Professional at Subprofessional levels, kinailangang i-adjust ang petsa ng pagpapalabas ng resulta ng pagsusulit.
Ang listahan ng mga makapapasa sa Civil Service exams ay ipapaskil sa website ng CSC na www.csc.gov.ph sa June 9.
Ayon sa CSC, tanging ang mga pangalan na makikita sa CSC website ang opisyal na makapapasa.
Ang examination rating ay maaaring makuha ng mga examinees sa Online Civil Service Examination Result Generation System at ilalagay din sa CSC website sa June 24. (DDC)
