Motorbanca tumaob sa Bonbon Beach sa Romblon; 13 sakay nailigtas

Nailigtas ng mga tauhan ng Philippine Coast Guard (PCG) ang labingtatlong turista kabilang ang boat operator na lulan ng tumaob na motorbanca sa karagatang sakop ng Bonbon Beach sa Romblon.

Nagsasagawa ng island hopping ang grupo nang hampasin ng malalaking alon ang bangka dahilan para tumaob ito.

Mabilis na rumesponde si CG SN1 Kester Brylle Madali at lumangoy patungong motorbanca para iligtas ang mga sakay nito.

Agad namang humingi ng tulong ang isa pang tauhan ng Coast Guard sa kalapit na beach patrol team at Coast Guard station.

Nailigtas ng Search and Rescue team ang lahat ng sakay ng bangka na pawang nasa maayos na kondisyon. (DDC)