8 sa 10 preso na tumakas sa Pasay muling naaresto; 2 pinaghahanap pa
Naaresto na muli ng mga otoridad ang 8 sa 10 preso sa Pasay City na tumakas sa Malibay Detention Facility.
Ayon kay Pasay City Police chief Police Col. Froilan Uy, dalawa na lamang sa mga tumakas ang pinaghahanap.
Ito ay sina Norman Deyta at Richard Dela Cruz.
Kabilang sa pinakahuling naaresto sina Romeo Estopa na nadakip sa Pasay City at si Carlo Magno na nadakip sa Imus, Cavite.
Kapwa sila nahaharap sa kasong may kaugnayan sa illegal drugs.
Nag-alok ang pulisya ng P100,000 na reward para sa bawat presong tumakas. (DDC)
