Provincial Buses papayagang dumaan sa EDSA mula Apr. 6 hanggang Apr. 10
Pinayagan ng Metropolitan Manila Development Authority (MMDA) ang mga Provincial Buses na makabaybay sa kahabaan ng EDSA simula April 6 hanggang 10.
Inaasahan kasi ayon sa MMDA ang dagsa ng mga pasahero sa nasabing mga petsa dahil sa paggunita ng Semana Santa.
Ayon sa ahensya, ang mga provincial bus na galing ng North Luzon ay matatapos ang biyahe sa bus terminals sa Cubao, Quezon City.
Habang ang mga provincial bus na galing ng South Luzon ay matatapos ang biyahe sa mga bus terminals sa Pasay City.
Sinabi ng MMDA na layunin nitong ma-accommodate ang inaasahang mataas na bilang ng mga pasahero na uuwi sa mga probinsya. (DDC)
