PPA umasiste sa mga pasaherong nailigtas sa nasunog na M/V Lady Mary Joy 3

Umasiste ang Philippine Ports Authority (PPA) sa mga nailigtas na pasahero ng M/V Lady Mary Joy 3 na nasunog Miyerkules (Mar. 29) ng gabi sa Baluk-Baluk Island sa lalawigan ng Basilan.

Ayon sa PPA, kasalukuyang iniimbestigahan pa ang pinagmulan ng sunog.

Sa datos ng PPA, 10 ang nasawi sa nasunog na barko, habang sa datos ng Provincial Government ng Basilan ay 12 ang nasawing pasahero.

Sinabi ng PPA na naitawid na sa Baseport Zamboanga ang apat (4) na bangkay mula sa pinangyarihan ng insidente habang itatawid pa ang 6 pang nasawi.

Nagpaabot naman ng tulong ang PPA sa mga survivors.

Binigyan sila ng makakain at masisilungan. (DDC)