Ilang barangay sa Cebu City rarasyonan ng tubig

Nakararanas na ng kakapusan ng suplay ng tubig sa ilang mga barangay sa Cebu City.

Ayon kay Cebu City Disaster Risk Reduction and Management Office head Harold Alcontin, 80 barangay ang minomonitor nila ngayon kabilang ang 22 rural barangays.

Ang mga Barangay Lahug, Busay, Talamban at Kalunasan ay humiling na sa lokal na pamahalaan na marasyonan sila ng tubig.

Ayon kay Antolin, mayroon nang tatlong water tanker at isang engine truck ang naka-standby para ipadala sa mga barangay na rarasyonan ng tubig.

Ilalatag ang schedule ng pagrarasyon para matiyak na mahahatiran ang lahat ng nangangailangan.

Nagbabala ang CCDRRMO na mas titindi pa ang kakapusan sa suplay ng tubig kapag nagsimula na ang epekto ng El Niño phenomenon. (DDC)