Isa sugatan sa sunog sa compound ng Cebu City Science High School

Isang lalaki ang nasugatan sa sunog na naganap sa isang bunkhouse sa loob ng Cebu City Science High School sa Brgy. Labangon sa lungsod.

Nagsimula ang sunog 11:52 ng umaga ng Martes, Mar. 28 at idineklarang fire out makalipas ang anim na minuto.

Ang nasunog na bunkhouse ay nagsisilbing temporary quarters ng mga maintenance personnel ng paaralan at ginagamit din bilang warehouse ng mga lost and found items.

Isang utility worker ng paaralan ang nagtamo ng sugat sa kaniyang mukha dahil sa nasabing insidente.

Dahil sa insidente, nasuspinde ang klase at inilikas ang mga estudyante sa quadrangle para masiguro ang kanilang kaligtasan. (DDC)