Pagdaraos ng Civil Service Exam sa lalawigan ng Occidental Mindoro, naging matagumpay
Dumoble ang bilang ng mga residente sa Occidental Mindoro na kumuha ng Career Service Examination for Professional and Sub Professional Level.
ito ay matapos na maitala ang kabuuang bilang nito na umabot sa 2,603 mula sa bilang na 1,155 noong nakaraang taon.
Ginanap ang Civil Service Exam sa Occidental Mindoro National High School (OMNHS) sa bayan ng Mamburao.
Upang masiguro ang maayos at ligtas na pagdaraos ng nasabing pagsusulit, naging katuwang ng CSC Regional Office ang Pamahalaang Panlalawigan sa pamumuno ni Governor Ed Gadiano kasama ang iba pang ahensya ng gobyerno.
Una nang naghandog din ang Pamahalaang Panlalawigan sa pakikipag-ugnayan sa OMSC ng libreng walong araw na review class sa mga examinees upang matulungan silang maging handa sa naging pagsusulit. (DDC)
