P34K na halaga ng shabu nakumpiska; 6 naaresto sa tatlong operasyon na ikinasa sa Maynila
Umabot sa mahigit P34,000 na halaga ng ilegal na droga ang nakumpiska sa Maynila sa nakalipas na 24 na oras.
Mula umaga ng Mar. 22 hanggang umaga ng Mar. 23, nagsagawa ng tatlong operasyon ang mga tauhan ng Manila Police District (MPD).
Sa nasabing mga operasyon, 6 na katao ang naaresto, at nakakumpiska ng P34,680 na halaga ng shabu.
Nagkasa din ng operasyon laban sa illegal gambling, kung saan mayroong 9 na katao ang naaresto.
May mga nahuli ding lumabag sa iba’t ibang ordinansa na umiiral sa lungsod.
Kabilang dito ang 451 na katao na lumabag sa pagbabawal sa paninigarilyo sa public place, 20 lumabag sa pag-iinom ng alak sa public place, 100 ang nahuli dahil walang suot na pang-itaas, at may mga nahuli din sa paglabag sa curfew, traffic management code at obstruction. (DDC)
